नागपञ्चमी हन
नृपेन्द्रलाल श्रेष्ठ | गुंलाथ्व पंचमी ११३७ (जुलाई २८ २०१७)
![](https://www.lahananews.com/sites/default/files/nag%20puza_0.jpg)
थौं गुंलाथ्व पञ्चमीया न्हि कुन्हु नागपञ्चमी पर्व थःथःगु परम्पराकथं छेँय्या मू ध्वाखाय् नागया किपाः तिकाः पूजाअर्चना यानां हंगु दु ।
थुगु छेँय् छेँय्या ध्वाखाय् नागया किपाः तिकाः पूजा यात धाःसा मलः कुतुंवइगु व मिं नईगु लिसें ताहाः, बिच्छीलगायत विषयुक्त जीवपाखें रक्षा जुईगु शास्त्रीय मान्यता दयावयाच्वंगु दु ।
बराहपुराणय् न्ह्यथनाःतःगु कथं थुगु तिथि हे ब्रह्माया नागराजलिसें संवाद जुगुलीं थुगु न्हिं नागपूजाया नितिं लोकंह्वाःगु धैगु जनबिश्वास दु ।
अथेहे, वासुकी, पध्म, महापध्म, तक्षक, कुलीर, कर्कट व शंख यानां च्याम्ह नागया पूजा यानां सितुघाँय्, साःदुरु, सिन्हःलगाय्त थीथी छाःगु छेँय् अगस्त्य, पुलस्त्य, वैशम्पायन, सुमन्तु व जैमिनी ऋषिं अग्निभय व विषयुक्त जीवया भयपाखें बचे याईगु चतुर्वर्ग चिन्तामणिई न्हयथनाःतःगु दु ।
नागपञ्चमीया न्हि सुथःन्हापां पुरोहितपाखें नागया पूजा यानां छेँय्या मू ध्वाखाय् नागया किपाः तिकाः छेँय्थुवाः नं नागपूजा यायेगु शास्त्रीय परम्परा दु । नागपञ्चमीया न्हिं येँया नागपोखरी, यलया नागदह लगायत थीथी धार्मिक क्षेत्रय् म्वःम्वः भक्तजनतय्गु उपस्थिति दुगु खः
Categorized in राष्ट्रिय