देय् दबूया महाधिवेशन एकता महाधिवेशन कथं जुइगु
लहनान्यूज | चौलागा षष्ठी ११३७ (अप्रिल १७ २०१७)
![](https://www.lahananews.com/sites/default/files/dey_0.jpg)
नेवाःतयगु राष्ट्रिय संगठन नेवाः देय् दबूया खुक्वःगु राष्ट्रिय महाअधिवेशन वैशाख ८ व ९ गते दाङया घोराहीइ जुइगु जूगु दु ।
नेवाः देय् दबुलिं थौं येँय् पत्रकार सम्मेलन यानाः महाधिवेशनया लागिं माःगु तयारी जुइधुंकूगु न्ह्यथंगु दु ।
दाङय् निन्हुयंक जुइगु महाधिवेशनं दबूया न्हूगु नेतृत्व ल्यइ । ३५ दुजःया कार्यसमिति ल्यइगु अधिवेशनय् ६४ जिल्लापाखें ६सःम्ह प्रतिनिधिपिनिगु उपस्थिति दइगु नं पत्रकार सम्मेलनय् जानकारी बिल ।
न्हापा २०६९ सालय् येँय् जूगु राष्ट्रिय महाअधिवेशनय् विवाद धुंकाः असहज परिस्थितिया दथुइ स्थगित जूगु खः । व धुंकाः सहजिकरण समितिया माध्यमं सरोकारवाला पक्षतलिसेया संवाद व सहमति कथं आः राष्ट्रिय एकताया महाधिवेशनया रुपं व्यवस्थापन यानागु दबुलिं न्ह्यथंगु दु ।
Categorized in राष्ट्रिय