देय्यकं १४४२म्हेसित कोरोना संक्रमण पुष्टि
लहानान्युज | कछलाथ्व तृतिया ११४१, मंसिर ३ बुधवाः
वःगु २४ घण्टाया दुने थौं बुधवाः थप १ हजार ४४२ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयं थौं ग्वसाः ग्वःगु मिडिया ब्रिफिङय् प्रवक्ता डा. जागेश्वर गौतमं आःतक नेपालय् कोरोना संक्रमितपि २ लाख १२ हजार ९१७ म्ह थ्यःगु दु धका धाःगु दु।
मन्त्रालयया कथं आःतक पीसीआर विधिपाखे १६ लाख २३ हजार ७५४ परीक्षण याये धुकुगु दु। वःगु २४ घण्टाया दुने जम्मा ६ हजार ७३१ म्हेसिगु पीसीआर परीक्षण याःगु खः।
देय् यकं आःतक सक्रिय संक्रमितपि २८ हजार ८७८ दु। क्वारेन्टाइनय् ९१० म्ह च्वना च्वंगु दु धका मन्त्रालयं धाःगु दु।
Categorized in राष्ट्रिय
