वंगु २४ घण्टाया दुने देयन्यक ७६४ म्हेसित कोरोना भाइरस संक्रमण पुष्टि जूगु दु।

९ हजार ४६६ म्हेसिगु पीसीआर परीक्षण याउगुलि ७१५ म्ह व १ हजार २२२ म्हेसित एन्टिजेन परीक्षण यागुलि ४९ म्ह याना ७६४ म्हेसित कोरोना भाइरसया संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् कोरोना संक्रमणं झीमह सीगु दु सा १ हजार ३३ म्ह कोरोनामुक्त जुगु दु।

थौं थपे जुगु नाप आःतक नेपालय् कोरोना संक्रमित जूपि आः ८ लाख ९९७ म्ह थ्यंगु दु।

अथेहे नेपालय् कोरोना सीपि ११ हजार २१० म्ह थ्यंगु दु सा ७ लाख ७४ हजार १७३ म्ह संक्रमणमुक्त जुइ धुकुगु दु।

Categorized in राष्ट्रिय