देबकुमार स्वेच्छिक कोष संचानार्थ सल्लाहकारय् मनोनयन
लहानान्युज | थिंलाथ्व नवमी ११४० पुस ८ बुधवाः
देबकुमार स्वेच्छिक कोष संचानार्थ सल्लाहकारय् मनोनयन आदिवासीपिनिगु लागि संयुक्त राष्ट्रसंघया स्वेच्छिक कोष संचालनया लागि एसिया व प्रशान्त क्षेत्रया आदिवासी जनजातिपिािगु प्रतिनिधिया रुपय् संयुक्त राष्ट्रसंघया महासचिव एन्टोनियो गुटेरेस न इण्डिजिनियस टेलिभिजनया अध्यक्ष देब कुमार सुनुवारयात थःगु सल्लाहकारया रुपय् मनोनयन याःगु दु।
सुनुवारया कार्यकाल सन् २०२१ जनवारी निसे स्न २०२३ तक दइ। २०२१ जनवारी १ निसे वयकल कार्याभार सम्हाले यानादी। कोष संचालनया लागि सुनुवारं महासचिवयात एसिया व प्रशान्त क्षेत्रया आदिवासीपि पाखे सल्लाह बियादी । सुनुवार नाप कन्गोया डायल मोचिरे, क्यानाडाया मार्जोलेन एटिने, डेनमार्कया टुकुमिङग्वाक न्याक्जेर ओल्सेन व बेलिजकापाब्लो मिसपिन्त मनोनयन यानादीगु खः। एशिया व प्रशान्त क्षेत्रया सल्लाहकारया रुपय् ल्यायादीम्ह सुनुवारं स्वीजरल्यान्डया जेनेभाय् मानव अधिकार सम्बन्धी संयुक्त राष्ट्रसंघीय उच्चआयुक्तं मुख्य कार्यालय माफेलोया रुपय् सन् २०१० य् आदिवासीपिनिगु मानव अधिकार सम्बन्धी प्रशिक्षण दुम्ह खः।
आदिवासीपिनिगु क्षेत्रय् ज्या यायेत संयुक्त राष्ट्रसंघया निकाय नाप ज्या याये धुकुम्ह सुनुवार आदिवासीपिनिगु क्षेत्रय् संयुक्त राष्ट्रसंघया ज्याय जानकार दुम्ह खः। उमिसं संयुक्त राज्य अमेरिकाया बोस्टनय् कल्चरल सर्भाइभल अन्तर्राष्ट्रिय गैरसरकारी संस्थाया एसिया व प्रशान्त क्षेत्रय् संयोजकया रुपय् ज्या याइगु खः। सुनुवारं सन् २०१५ निसे संयुक्त राष्ट्रसंघ अन्तर्गत इण्डिजिनियस मिडिया ककसया नेतृत्व याना वयाच्वम्ह खः।
वयकलं संयुक्त राष्ट्रसंघया रेडियो, टेलिभिजनय् आदिवासीपिनिगु सः दथ्याका व आदिवासीपिन्स संचालन याना वयाच्वंगु व सञ्चार माध्यमयात ग्वाहालि यायेत संयुक्त राष्ट्रसंघ दुने थाय् बिइत ग्वाहालि यायेगु योगदान बिया वयाच्वह खः।
संयुक्त राष्ट्रसंघको स्वेच्छिक कोष आदिवासीपिनिगु लागि संयुक्त राष्ट्रसंघं स्वेच्छिक कोष सन् १९८५ य् संयुक्त राष्ट्रसंघया महासभापाखे स्थापित कोष खः । हलियकं न्यागु भौगोलिक क्षेत्रपाखे नियुक्त न्याम्ह सदस्यपिनिगु सल्लाह कथं संयुक्त राष्ट्रसंघया महासचिव थःम्हेसिया हे संयुक्त राष्ट्रसंघया वित्तीयनीति व नियम कथं कोष संचालन याइ।
Categorized in राष्ट्रिय
