दुथ्याकेगु दिं क्वचाःसां बूदिंया भिंतुना म्ये हालीपिं म्हाे मजू
लहनान्युज | ने.सं. ११३८ सिल्लाथ्व त्रयाेदशी (२९ जनवरी, २०१८) |
बूदिंया भिंतुना म्ये कासाय् म्ये दुथ्याकेगु दिं वंगु माघ ८ गते क्वचाःसा न्हूपिं म्ये हालामिपिं निरन्तर खनेदयाच्वंगु दु । लिंपांगु इलय् तामाङ मय्जुया म्ये नं थुगु कासाया पेजय् खनेदत । धादिङया विकट थाक्रे गाउँपालिकाय् च्वंम्ह विमलायात थुगु म्ये अतिंक यःगुलिं कासाय् दुथ्याकेगु तातुनां तयारी यानागु खँ कनादीगु दु । तर इलं मलाःसां थुगु म्ये पाेष्ट यानागु नं वय्कलं कनादिल । 'कासा व सिरपासिबें थुगु म्ये हालेखंगु तधं', वय्कलं धयादिल । थाैंकन्हे श्री टंगाल माध्यामिक विद्यालयय् ११ कक्षाय् ब्वनाच्वनादीम्ह विमलाया बूदिंया भिंतुना म्ये दुथ्यायेवं थुगु कासा अझ झःझः धाःगु विश्लेषण जूगु दु । थुगु कासाय् ब्वति कयादीम्ह गीता सिख्राकार नं तामाङ म्ह्यायमचा खः । वय्कः नेवाः छेँया भाैमचा जक मखःसे मचांनिसें नेवाः भाय् हे ल्हानादीम्ह नं खः ।
कासा क्वचायेधुंकाः खनेदुपिं म्येहालामिपिं विमलालिसें विवेकराज श्रेष्ठ, हिरामिला महर्जन, मिनर्वा बज्राचार्य व शाेभा श्रेष्ठ खः ।
म्ये हालामि व च्वमि सुरजवीर बज्राचार्यं जानकारी बियादीकथं थुगु कासाय् म्ये दुथ्याकेगु र्इ क्वचायेधुंकाः निगू ज्याझ्वः यायेगु ग्वसाःकथं वइगु शनिवार (२० माघ), नेपा बैंक्वैट, खुसिबुँ, येँय् सुथसिया ८ बजे कासामिपिन्त दसिपाै इनेगु, ५ म्ह बांलाःपिं म्येहालामि घाेषणाया मूज्याझ्वःयाबारे कनेगु नितिं पत्रकार मुना नं यायेत्यंगु दु ।
विमला तामाङया बूदिंया भिंतुना म्ये न्यनादिसँ ।
https://www.facebook.com/100024119568600/videos/118333938980591/
सकसिगु म्ये न्यनेत क्वय् बियागु लिंक क्लिक यानादिसँ ।
Categorized in राष्ट्रिय