दफ्तर क्लब भवनया शिलान्यास
लहनान्युज | बछलागा नवमी ११३९ (मे २७ २०१९)
येँ महानगरपालिका वडा नं. २३य् च्वंगु दफ्तर क्लब भवन पुनःनिर्माणया नितिं वंगु शुक्रवाः शिलान्यास जूगु दु । प्रतिनिधिसभाया दुजः जीवनराम श्रेष्ठ व वडाध्यक्ष मचाराजा महर्जनं मंकाःकथं उगु भवनया शिलान्यास यानादीगु खः ।
थ्यंमथ्यं ११गू लख ७५द्वः तका तुइगु निगू तल्लाया भवन दय्केगु नितिं स्थानीय पूर्वाधार विकास कार्यक्रम अन्तर्गत सांसद श्रेष्ठया संसद विकास कोषपाखें धेबा बीगु जूगु दु ।
क्लबया नायः राकेश शाहीं भवन पुनःनिर्माण जुइधुंकाः सामाजिक, स्वास्थ्य, भाषा, कला व साँस्कृतिक ज्याझ्वःयात न्ह्यःने यंकेगु धयादिल । ज्याझ्वलय् प्रतिनिधिसभाया दुजः जीवनराम श्रेष्ठ व वडाध्यक्ष मचाराजा महर्जन नं थःथःगु नु्गःखँ तयादीगु खः ।
Categorized in राष्ट्रिय