थौं माइतीघरय् धर्ना ज्याझ्वः
लहनान्युज | चौलागा षष्ठी ११३९ (अप्रिल २५ २०१९)
नेपाःया संविधान बिःगु प्रदत्त विचाः, अभिव्यक्ति स्वतन्त्रता व प्रेस स्वतन्त्रताया हकयात कुण्ठित याःगु धाःसे थौें १२ः०० निसे १ः०० तक माइतीघर मण्डलाय् धर्ना ज्याझ्वः नेवाः पत्रकार राष्ट्रिय दबू नं याये त्यःगु दु ।
जितेन्द्र महर्जनयात गैरन्यायिक हिरासतय् तःगु विरूद्धय् थुगु धर्ना थौंया ज्याझ्वलय् पत्रकार दबू नाप नेपाल पत्रकार महासंघ व नेपाल आदीवासी जनजाती पत्रकार महासंघं न उगु ज्याझ्वलय् ब्बति काइगु ज्याझ्वः दु ।
येँ जिल्लाया दुजः जितेन्द्र महर्जनयात गैरन्यायिक हिरासतय् तःगु विरूद्धय् छु दिं न्ह्यः पत्रकार दबु नाप नेपाल पत्रकार महासंघ न प्रेस बिज्ञप्ती पिकाये धुकुगु दु ।
२०७६ वैशाख १२ गते बिहिवाः न्हिनय् १२ ः ०० निसें १ः०० ताः ई तक फिब्वख्यः (माइतीघर मण्डला)लय् जुइगु त्यःगु खः ।
छु दिं न्ह्यः पत्रकार महर्जनयात अदालतं त्वःतेत आदेश बिइसा अदालतया हे लुखां हाकन ज्वना यंकुगु खः ।
पत्रकार दबू न थुगु ज्याझ्वःयात ऐक्यबद्धता प्वंकेत खलः, पुचः नाप नागरीक अगुवापिन्त इनाप न याःगु दु
