थौं अन्तर्राष्ट्रिय नारी दिवस
लहनान्यूज | चिल्लाथ्व एकादशि ११३७ (मार्च ८ २०१७)
थौं मार्च ८, हलिंन्यंक थीथी ज्याझ्वः यानाः अन्तर्राष्ट्रिय नारी दिवस हनाच्वंगु दु ।
१९११स न्हापांगु खुसी अस्ट्रिया, डेनमार्क, जर्मेनी, स्वीट्जरल्यान्ड आदि देशय् महिला दिवस हंगु खः । लिपांगु इलय् वयाः देशय् वःगु ह्यूपाःलिसें नेपालय् नं मिसा सशक्तिकरणया सः थ्वयेकुसें तःजिक नारी दिवस हनेगु चलन न्ह्याःगु दु ।
सन् १९८९स न्हापांगु खुसी अमेरिकाया न्यूयोर्कय् कापः कारखानाय् ज्या याइपिं मिसातयसं थःत जूगु शोषण, असमानता विरुद्ध आन्दोलन याःगु खः । उकिया निदँ लिपा सन् १९११स अन्तर्राष्ट्रिय समाजवादी पुचलं डेनमार्कया कोपनहेगनय् मिसाया अधिकार व इमिगु आन्दोलनया समर्थनय् सम्मेलन याःगु खः ।
थुगु सम्मेलनय् १७ देय्या सच्छिम्ह स्वयां आपाः मिसातयगु ब्वति दुगु खः ।
अन्तर्राष्ट्रिय नारी दिवसया झ्वलय् थौं सरकारं सार्वजनिक विदा नं ब्यूगु दु ।
Categorized in राष्ट्रिय
