येँ स्वनिगलय् थौंनिसें निषेधाज्ञा छुं भतिचा छ्वासुगु दु ।

स्वनिगःया स्वंगुगू हे जिल्लाया प्रमुख जिल्ला अधिकारीपिनिगु मुँज्यां खाद्यान्न पसः थौंनिसें सुथय् चायेकेत उजं बिउगु दु । सुथय् ९ताःईलय् तक्क किराना पसः चायेकबिइगु नियम दयेकूगु दु ।

अथेहे येँय् बैंक व वित्तिय संस्थापिन्सं प्रधानकार्यालय व स्वंगू शाखा, वाणिज्य बैंक व विकास बैंकं प्रधानकार्यालय व २गू शाखां सेवा विइफई । वित्त कम्पनीपिन्सं प्रधान कार्यालय व छगू शाखा चायेका सेवा बिइफई ।

अत्यावश्यक बाहेक सरकारी ज्याकू, सार्वजनिक संस्थान व विमा थेंजाःगु ज्याकू धाःसा बन्द हे जुई । सुथय् ९ ताःई तक्क मोटरसाइकल वर्कसप नं चायेके बिउगु दु । डिपार्टमेन्ट स्टोर नं थौंनिसें सुथय् चायेके बिउगु दु ।

तर निगू मिटरया दूरी कायम अनिवार्य याःगु दु । थौं लागू जूगु निषेधाज्ञा जेठ ३२ तक्क न्ह्याइगु धाःगु दु ।

Categorized in राष्ट्रिय