थाय्–भुया च्वमिपिं नाप सहलह मुँज्या
लहनान्युज | चौलागा चतुर्दशी ११३९(मे ३ २०१९)
नेपाल प्रज्ञा प्रतिष्ठानया ग्वसालय् ’थायभु’ ९ ल्या पिदने धुंकाः नेपालभाषाया च्वमि, पत्रकार, बुद्धिजिवी, भाषा ह्यमिपिं नाप कमलादी, येँ सहलह ज्याझ्वः जूगु दु ।
उगु ज्याझ्वलय् ’थायभु’ दँपौया सम्पादक लक्ष्मी मालीया सभाधक्ष्यताय् जुगु खःसा ध्रुव मधिकःमिं न्ह्यकादीगु खः ।
अथेहे ज्याझ्वलय् प्रतिष्ठानया कुलपति गंगा प्रसाद उप्रेती, उपकुलपति जगमान गुरुङ, पुष्प चित्रकार, माया ठकुरी, उषा ठाकुर, हेमनाथ पौडेलपिं पाँहा कथं झायादीगुु खः ।
थाय्भुइ श्रीलक्ष्मी श्रेष्ठ, मनदेवी तन्दुकार, शान्त राज शाक्य, नविन चित्रकार, रुकमणि श्रेष्ठ, रास जोशी, मोहन बहादुर कायस्थ, रेणु श्रेष्ठ लगायत मेमेपिनिगु नं च्वसु दुथ्याका तःगु दु ।
उगु ज्याझ्वलय् प्रतिष्ठानया कुलपति उप्रेती ’थायभु’ दँपौ या ग्राहक दयेकाः व्यवस्थित कथं न्ह्याका यंके फत धाःसा याकनं हे खुलापौ वा स्वलापौया रुपय् विकास यानायंकेगु बचं न बियादीगु खः ।
बुखँ : नेवा सुचना केन्द्र किपा: राजेन्द्र रंजित
Categorized in राष्ट्रिय
