थप १२५५ म्हेसित कोरोना सक्रमण
लहानान्युज | कछलाथ्व चतुर्दशी ११४१, मंसिर १४ आइतवाः
![](https://www.lahananews.com/sites/default/files/co3_22.jpg)
वःगु २४ घण्टाया दुने थप १२५५ म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकं प्रयोगशालाया ८ हजार ८म्हेसिगु नमुना परीक्षण यागुलि उलि संक्रमण पुष्टि जूगु खः ।
थ्व नाप आःतक संक्रमितपिनिगु ल्याः २ लाख ३१ हजार ९७८ म्ह थ्यःगु दु ।
उकि मध्ये २ लाख १२ हजार ५९० म्ह संक्रमणमुक्त जुया छेँ लिहावने धुकुगु दु ।
अथेहे १४७९ म्ह सी धुकुगु दु धका स्वास्थ्य तथा जनसंख्या मन्त्रालयं धाःगु दु।
Categorized in राष्ट्रिय