त्वाःया गुरूपिन्त सम्मान व साँस्कृतिक ज्याझ्वः
लहनान्युज | तछलागा चर्तुदशी ११३९ (जुलाई १ २०१९)
![](https://www.lahananews.com/sites/default/files/65601249_385549188761322_7368215601166155776_o.jpg)
‘जीवन्त संस्कृति ल्यंकातय्, नेवाः म्हसीका म्वाका तय्’ धइगु नारालिसे नःबहिल त्वाःया गुरुपिन्त हनाबना यासे थीथी बाजंखलःया न्हूपिं ल्याय्म्ह पुचलं नेपाःया थीथी परम्परात बाजंत थानाः साँस्कृतिक ज्याझ्वःत न्ह्यब्वल ।
जीवन्त संस्कृति संरक्षण समाजया ग्वसालय् जूगु उगु ज्याझ्वलय् प्रदेश नं. ३या सांसद अष्टलक्ष्मी शाक्य मूपाहाँकथं झायादीगु खःसा विशेष पाहाँकथं येँ महानगरपालिकाया प्रमुख विद्यासुन्दर शाक्य झायादीगु खः ।
समाजया नायः किरण साय्मिया सभाध्यक्षताय् जूगु उगु ज्याझ्वलय् २३ वडाया पुलांम्ह नायःलिसें समाजसेवी पवित्र बज्राचार्य, सभासद राजेश शाक्य, २३ वडाया नायः मचाराजा महर्जनलिसें त्वाःया हनेबहःपिं व्यक्तित्वपिन्सं पाहाँकथं ब्वति कयादीगु खः ।
बुखँ नेवाः सुचना केन्द्र किपाः राजेन्द्र रंजित