त्रिपिटक अन्तर्गतया निगू सफू नेपालभासं
लहनान्यूज | तछलाथ्व नवमि ११३७ (मे ३ २०१७)
![](https://www.lahananews.com/sites/default/files/safoo_0.jpg)
त्रिपिटक अन्तर्गतया निगू महत्वपूर्ण सफू पटिसम्भिदामग्ग अले धम्मसङ्गणीका नेपालभासं पिदंगु दु ।
वीरपूर्ण सफूधुकूया ग्वसालय् यलया रत्नाकर महाविहारय् जूगु ज्याझ्वलय् उपसंघनायक अले अनुवादक डा. ज्ञानपूर्णिक महास्थवीरं निगुलिं सफूया विमोचन यानादिल ।
नुगः खँ तयेगु झ्वलय् पटिसम्भिदामग्गया अनुवाद डा.ज्ञानपूर्णिक महास्थविरं बुद्ध नेपालय् बूगु धकाः लयताइपिं झी दथुइ म्ह्वः हे मनुखं जक बुद्ध दर्शनया अध्ययन यायेगु याःगु धयादिल ।
धम्मसङ्गणीया अनुवादक अनागारिका अग्गञाणीं थुगु ग्रन्थ अभिधर्मया मूल आधार अले सार जूगुलिं अर्थकथाया वर्णन स्वयाः अनुवाद यानागु धयादिल ।
![](http://www.lahananews.com/sites/default/files/pictures/safoo2.jpg)
अखिल नेपाल भिक्षु महासंघया महासचीव कौण्डण्य महास्थविर थुगु सफू पिकायेत यक्वं हे ई बियाः जानादीम्ह धकाः डुण्डबहादुर वज्राचार्ययात च्वछानादिल ।
निगू सफूया मू १२५० तका तयातःगु दुसा सफू विमोचन ज्याझ्वलय् द्वःछि तकां उपलब्ध याकूगु खः । लिसें विमोचन ज्याझ्वलय् सफू न्याःपिन्त त्रिपिटक परिचय सफू छगू नं तँसा कथं ब्यूगु खः ।
त्रिपिटक अन्तर्गतया थुगु निगू महत्वपूर्ण सफू नेपालय् न्हापांगु खुसी पिदंगु लिसें आःतक भारतय् तक नं पिमदनीगु पिकाकः वीर पूर्ण पुस्तकालयं न्ह्यथ.गु दु ।
Categorized in राष्ट्रिय