तुं इलाः थौं सिथिनखः हनाच्वन
लहनान्यूज | तछलाथ्व षष्ठी ११३७ (मे ३१ २०१७)
थौं तछलाथ्व षष्ठी, सकल नेवाःतय् सिथिनखः हनाच्वंगु दु ।
थौं सिथिनखःया झ्वलय् तुं, बुंगाः, ल्वहंहिति लिसेंया लःया श्रोतयात यचुपिचु यानाः सिथिनखः हनाच्वंगु दु ।
थौंया हे दिनय् सकल नेवाःतय् छेँय् छेँय् वः, चतांमरि छुनाः नयेगु याइ । सिनाज्या न्ह्यः सिथिनखः हनाः बुँज्या यायेत थुकथंया पौष्टिकतां जाःगु नसा नयेगु याःगु धापू समाजय् प्रचलित दु ।
आःतक्क देपुजा मयाःनिपिनि नं थौं हे देपुजा यायेगु याइ ।
थौंया दिंयात महाःद्यःया काय् कुमारया बुदिं कथं कुमार षष्ठिया रुपं नं हनेगु याइ । थौं कुमारयात नं पुज्यायेगु चलन दु ।
थौं हे येँया न्हूघलय् दुगु कुमार कार्तिकेयया जात्रा यायेगु चलन दुगु खः । तर थुगु चलन धाःसा बुलुहुं तना वनाच्वंगु दु ।
Categorized in राष्ट्रिय
