तिथि कथं हन सत्य मोहन १०० दँ बुदिं
नृपेन्द्रलाल श्रेष्ठ | बछलागा दशमी ११३९ (मे २९ २०१९)
![](https://www.lahananews.com/sites/default/files/61871489_2486904828007764_1663605511376863232_o.jpg)
शताब्दी पुरुष सत्यमोहन जोशीया तिथि कथंया १०० दँया बुदिं नेपाः बैक्वटय् छगु ज्याझ्वः यासे नेवाः परम्परा कथं ख्येँ संगः बिया हना ज्याझ्वः याःगु दु ।
उगु ज्याझ्वलय् समाजसेवी लक्ष्मीदास मानन्धरं वाङमय शताब्दी पुरुष सत्यमोहन जोशी कोषया घोषणा न यानादिगु खः । थुगु कोषया मूआज्जु मस्तय्त नेपालभाषा स्यनेगु ख्यलय् छ्यलेगु खः धका कनादिगु खः ।
नेवाः न्ह्यलुवा नाप नेपालभाषा एकेडेमिया सदस्य सचिव मल्ल के सुन्दरं आः या पुस्तां तक नेवाः भाय् ल्हाःसां वयां लिपाया पुस्तां नेवाः भाय् ल्हाइगु अवस्था मदु धकाः थुगु खः ध्यान बिया ज्या याइ धयादिगु खः ।
उगु ज्याझ्वलय् कलाकारपिं मदन कृष्ण श्रेष्ठ व हरिवंश आचार्यं कोषया नितिं सुरेश किरणं च्वइगु नेपालभाषाया क्वाः सम्बन्धी ज्याझ्वलय् ग्वाहालि यायेगु बचं बियादिगु खः ।