टोकियो ओलम्पिकय् ६गू लुँया तक्मा लिसें चीन न्ह्यने
दिल्लागा द्धितिया ११४१, साउन ११ सोमबाः
![](https://www.lahananews.com/sites/default/files/1_80.jpg)
टोकियो ओलम्पिकया ३न्हूगु दिं थौं थी थी १४गू कासाय् २१गू लुँया तक्माया नितिं धेंधेंबल्ला जुइत्यंगु दु ।
थौं स्वीमिङय् दक्वःलय् आपा ४ गू लुँया तक्यमाया क्वजिइज्या जुइ । अथेहे तेक्वान्दो, जुडो, फेन्सीङ व सुटिङय् निगू निगू लुँया तक्माया धेंधेंबल्ला जुइ ।
आर्चरी, जिम्न्याष्टीक, क्यानो स्लालोम, साईक्लीङ, डाइभिङ, स्केटबोर्डीङ, टेबल टेनिस, ट्राएथ्लन व भारत्तोलनय् छगू छगू लुँया तक्माया थौं क्वजिइज्या जुइ ।
ओलम्पिकय् आःतक्कया तक्मा धलःखय् ६गू लुँया तक्मा त्याका चीनं अग्रता काःगु दु । ५गू लुँया तक्मा त्याकुगु ग्वसाःखलः जापान निगूगु थासय् दुसा ३गूथु थाय्या अमेरिकां ४ गू लुँया तक्मा त्याकुगु दु ।
३२क्वःगु ग्रिष्मकालिन ओलम्पिकय् आःतक्क १७गु देशं लुँया तक्मा त्याकेधुंकुगु दु । ४२ गू देशं तक्माया खाता चायेकेधुंकुगु दु ।
Categorized in कासा