टोकियो ओलम्पिकय् मिसा फुटबल व सफ्ट बलया कासा न्ह्यात
दिल्लाथ्व त्रयोदशी ११४१,साउन ७ बिहीवाः
![](https://www.lahananews.com/sites/default/files/base.jpg)
टोकिया ओलम्पिक अन्तर्गत मिसा फुटबल व सफ्ट बलया कासात म्हिगःनिसें न्ह्यागु दु ।
ओलम्पिकया औपचारिक उलेज्या कन्हय् जुइगु जूसा नं छुं टिम गेम्स धाःसा म्हिगः हे न्ह्यागु खः । मिसा फुटबलया न्हापांगु कासाय् उपाधि दावेदार अमेरिका बूगु दु । उमित स्विडेनं ३–०गूया गोल अन्तरं बुकुगु खः ।
थुगु हारलिसें अमेरिकी मिसा फुटबल टिमया ४४गू कासा ताहाकःगु अपराजित यात्रा क्वचागु दु । मिसा फुटबलया हे मेगु कासाय् ब्राजिलं चीनयात ५–० गू या गोल अन्तरं बुकुबलय् बेलायतं चिलीयात २–०या गो्ल अन्तरं त्याकुगु दु ।
अथेहे नदेरल्याण्ड्सं जाम्बियायात १०–३ गूया गोल अन्तरं बुकुबलय् अष्ट्रेलियां न्युजिल्याण्डयात २–१गूया गोल अन्तरं बुकुगु खः । ग्वसाःखलः जापानं क्यानाडालिसे. १गू–१गू गोलया ज्वलिन्ज्वः म्हितुगु दु ।
Categorized in कासा