टेकु अस्पतालं प्यम्ह कोरोना संक्रमितपि डिस्चार्ज
लहनान्युज | बछलागा चःह्रे ११४०,जेष्ठ ८ बिहिवाः
![](https://www.lahananews.com/sites/default/files/Sukraraj-Tropical-_0.jpg)
येँया टेकुइ शुक्रराज ट्रपिकल तथा सरुवा रोग अस्पतालं प्यम्ह कोरोना भाइरस संक्रमितपि थौं बिहीवाः डिस्चार्ज जुगु दु ।
इमिगु निगु रिपोर्ट नेगेटिभ वःगुलि डिस्चार्ज जुगु खः । थौं डिस्चार्ज जुपि निम्ह ख्वपया व निम्ह येँ च्वपि खः ।
टेकु अस्पतालय् वःगु वैशाख ३१ गते ख्वपया छम्ह मिजं व येँयाम्ह छम्ह मिसा भर्ना जुगु खः ।
अथेहे संक्रमित जुम्ह छम्ह सशस्त्र प्रहरी न अन भर्ना जुगु खः ।
थ्व नाप याना कोरोना भाइरसया संक्रमणपि वास याका डिस्चार्ज जुपि ४९ म्ह थ्यःगु दु ।