जेठ अन्तिमय् एसईई परीक्षा यायेत सिफारिस
लहनान्युज | बछलाथ्व अष्टमी ११४०, बैसाख १९ शुक्रवाः
राष्ट्रिय परीक्षा बोर्डया अध्यक्ष प्रा. डा. चन्द्रमणि पौडेलया नेतृत्वया कार्यदलं माध्यमिक शिक्षा परीक्षा (एसईई) जेठ लिपाःगु वाः य् यायेत सिफारिस याःगु ।
उगु कार्यदलं बिहीवाः शिक्षा, विज्ञान तथा प्रविधिमन्त्री गिरिराजमणि पोखरेलं बिःगु प्रतिवेदनय् वैशाख २५ गते लकडाउनया मोडलय् वइगु ह्यपालय् जेठ लिपाःगु वाः तक एसईई परीक्षा यायेत सुझाव यायेत इनाप याःगु दु ।
उगु कार्यदलंं एसईई व कक्षा १२ या परीक्षा छगु हे इलय् (निगु सिफ्ट) य् यायेत सिफारिस याःगु खः ।
एसईई परीक्षा बिइपि कूल प्यंगु लाख ८२ द्धः ७०७ म्ह विद्यार्थी सहभागी दइ ।
कोरोना भाइरस (कोभिड–१९) या कारण वःगु चैत ५ गते बहनि जक एसईई परीक्षा स्थगित यायेगु निर्णय याःगु खः ।
अथहे, उगु परीक्षाया लिच्वः ४५ दिनय् पिकाये फइगु कार्यदल निश्कर्ष याःगु दु ।