हलिंया मू आर्थिक शक्तित दुथ्यागु जी ट्वेन्टी पुचःया नेतात करया दरय् एकरुपता हयेत ताःलाःगु दु ।

इटालीया रोमय् मुंपिं उमिसं बहुराष्ट्रिय कम्पनीतये नाफाय् म्होतिइ १५गु प्रतिशत कर तयेगु सहमति याःगु खः ।

पुचःया निगू दुजः देय् चीनया राष्ट्रपति सी चिनफिङ व रुसया राष्ट्रपति भ्लादिमिर पुटिन भर्चुअल माध्यमं स्वागु जी ट्वेन्दी सम्मेलनय् अमेरिकी राष्ट्रपति जो बाइडेनं करया दरसम्बन्धि प्रस्ताव तयादीगु खः ।

थुगु सन् २०२३ तक्क पुवंक रुपय् कार्यान्वयनय् वइगु धाःगु दु । थुगु व्यवस्थां  कमजोर कर प्रणाली दूगु देशय् लगानी क्यना कर छले याइगु तःधंगु व्यवसायीक घरानाया लगाम लाइगु जूगु दु ।

कोभिड महामारी व जलवायु हिउपाया समस्या ज्यंकेगु विषययात नं जी ट्वेन्टीया नेतातयेसं सहलहया एजेण्डा दयेकुगु दु् ।

Categorized in अन्तर्राष्ट्रिय