जागरुकया न्याक्वःगु रक्तदान ज्याझ्वः क्वचाल
बिकाश | कौलाथ्व तृतीया ११४० (२०७७ कार्तिक ३) सोमबाः
![](https://www.lahananews.com/sites/default/files/jagaruk.jpg)
कोरोना महामारीया अवस्थाय् विरामीया वासः याय्त हिया अभाव जुयावःगु धासें जागरुक युवा समाजं हिदान ज्याझ्वःयात तच्वयेकूगु दु ।
ब्लड डोनर्स एशोसिएसन नेपाल (ब्लोदान) या आव्हानय् समाजं य्ँ महानगरपालिका २४ वडा कार्यालयलिसेया मंकाः ग्वसालय् आइतबाः येँया बसन्तपुरस्थित महाःद्यः पार्वती देगःया दबुलिइ हिदान ज्याझ्वः याःगु खः ।
थुगु ज्याझ्वलय् हिदानय् मुक्कं २०म्हेसिनं हिदान याःगु खः ।
ज्याझ्वःया संयोजन समाजया ल्यू छ्यान्जे राजीव श्रेष्ठं यानादीगु खः ।
ज्याझ्वलय् केन्द्रीय रक्तसंचार सेवाया निर्देशक डा. मनिता राजकर्णिकार, ब्लोदानया दांभरिं मचाकाजी महर्जन, २४ वडाया सदस्यलिसें ब्लोदानया केन्द्रीय दुजः व समाजया सल्लाहकार विनोद तुलाधरलिसेंया उपस्थिती दुगु खः ।
Categorized in राष्ट्रिय