छम्ह कर्मचारी सरुवा यायेत ३२म्ह सांसद थः थाय् वयेगु या :मन्त्री पण्डित
लहनान्युज | दिल्लाथ्व पारु ११३९ (जुलाइ ३ २०१९)
![](https://www.lahananews.com/sites/default/files/lalbabu-pandit.2e16d0ba.fill-650x500.jpg)
सामान्य प्रशासन मन्त्री लालबाबु पण्डितं कर्मचारी सरुवाया लागि सांसदपि थः थाय् वयेगु याः धका धयादिगु दु ।
थौं बुधवाः संसदया राज्य व्यवस्था समितिइ संघीय निजामती विधेयकय् सहलह खँय् छम्ह नायब सुब्बा सरुवाया लागि ३२ म्ह सांसद थः थाय् वयेगु याः धका धयादिगु खः ।
नेकपा सांसद जनार्दन शर्मां सोर्स फोर्स याना कर्मचारी सरुवा यायेगु पद्धति हट. यायेत विधेकय हे व्यवस्था याये माःगु धका धाःगु खः ।
कांग्रेसया सांसद मिना पाण्डें सुब्बा साहेबया सरुवाया लागि सु सु माननीय वः धकाः न्ह्यसः न तयादिगु खः ।
उगु सहलह खँय् नेकपाया सांसद जनार्दन शर्मां सोर्स फोर्स याना कर्मचारी सरुवा यायेगु वा जागीर नकिगु प्रवृत्ति दुगु धकयादिसे । कर्मचारी सरुवाया लागि सत्तापक्ष, प्रतिपक्ष, पूर्व माननीय पिन्स याना वयाच्वंगु खः धासे थुकियात दिके माःगु कानुनी प्रबन्ध यायेत जोड बिगु दु ।