च्याम्पियन्स लिग फुटबलय् मेस्सीं यात न्हूगु क्लबया लागिं न्हापांगु गोल
ञंलागा नवमी ११४१, असोज १३ बुधवाः
![](https://www.lahananews.com/sites/default/files/messi_3.jpg)
युएफा च्याम्पियन्स लिग फुटबलय् वंगु चान्हय् पेरिस सेन्ट जर्मेन (पिएसजीं) म्यान्चेस्टर सिटीयात २–० गोलं बुकाब्यूगु दु ।
पिएसजीया मैदानय् जूगु कासाय् घरेलु टोलीया लागिं लियोनल मेस्सी व इद्रिसा गुएं १, १ गोल यात । बार्सिलोनां थ्व हे सिजनय् पिएसजी वःम्ह अर्जेन्टाइनी स्टार मेस्सीया न्हूगु क्लबया लागिं थ्व न्हापांगु गोल खm ।
थ्व हे पुचःया मेगु कासाय् बेल्जीयमया क्लब ब्रुजं जर्मनीया आर.बी लेप्जीगयात २–१ गोलं बुकूगु दु । च्याम्पियन्स लिगया पुचः बि या कासाय् इंग्लीश क्लब लिभरपुलं पोर्चुगलया एफ.सी पोटोयात ५–१ गोलं बुकूबलय् स्पेनया एथ्लेटिको मड्रिडं इटालीया एसी मिलानयात २–१ गोलं ल्यूने लाकाबिल ।
उखे पुचः सि या कासाय् नेदरल्याण्ड्सया आयाक्सं टर्कीया बेसिक्तासयात २–० गोलं बुकूबलय् जर्मनीया बोरुसिया डर्टमण्डं पोर्चुगलया स्पोर्टीङयात १–० गोलं कासा ल्हातय् लाकल । वंगु चान्हय् जूगु पुचः डि या कासाय् मल्दोभाया शेरिफ तिरास्पोलं स्पेनया रियाल मड्रिडया वयागु हे मैदानय् २–१ गोलं बुकूबलय् युक्रेनया शख्तर व इटालीया इन्टर मिलानं गोल मजूगु ज्वलिंज्वलय् नुगः तयेमाल ।
Categorized in कासा