पौष १ गतेनिसें न्ह्याःगु चेज बूदिंया भिंतुना म्ये कासा माघ ८ गते चान्हसिया १२ बज क्वचाबलय् तक १२१ म्ह म्येहालामिपिन्सं ब्वति कयादीगु दु । पेजथ्री बाःछिपौया ग्वसालय् चेज लिड टिभीया प्रायोजनय् जूगु थुगु कासाया नियम व घोषणा जुगु सिरपा मध्ये छगू ख्वपया सुमन मानन्धरया म्ये भिडियो स्वःगु ल्याः ७७,८१७ थ्यंगु खः । दकले अप्वः स्वःगु भिडियोया नितिं मय्जु मानन्धरं २४ इन्चया चेज लिड टिभी त्याकादीगु दु ।

 

कासा क्वचाःबलय् तक भ्यूजया ल्याखं ल्यू लाःम्ह सजेना चित्रकारया म्ये भिडियो स्वःगु ल्याः ५७,४९९ लियांल्यू लाःम्ह मन्जिल शाक्यया म्ये भिडियो स्वःगु ल्याः ४८,०९९ दुसा प्यंगूगु ल्याखय् लाःम्ह राजु बज्राचार्य दथुलँ या म्ये भिडियो स्वःगु ल्याः ४४७३१, अमोघवीर बज्राचार्यया ४०९५१,  थुकथं हे खुगूगु ल्याखय् विधान तुलाधरया म्ये भिडियो स्वःगु ल्याः ३२,२६९ थ्यंगु दु ।

 

कासाय् जजपिनिगुपाखें दकले बांलाःपिं न्याम्ह म्येहालामिपिं ल्ययाः वय्कःपिन्त सुरजवीर बज्राचार्यं च्वयादीगु व जुगल डंगोलया लसय् म्हतिं छपु छपुया ल्याखं न्यापु म्ये रेकर्डिङ्गया सिरपा मेगु आकर्षण खः । नेपालभाषाया संगीत ख्यलय् न्हूपिं म्येहालामिपिनिगु नितिं अःपुगु लँपु जुइगु तातुना थुगु सिरपानाप स्वानाच्वंगु दु ।

 

दकले अप्वः भ्यूज दुगु घोषणा जुइधुंकाः नं दकले बांलाःपिं म्येहालामिपि ल्यज्याया नितिं जजपिन्त ई बीमाःगु हुनिं मू ज्याझ्वःकथं सिरपा घोषणा ज्याझ्वः लिपा जक जुइ । तर व सिबें न्ह्यः वइगु माघया २० गते शनिवाः सुथसिया ८ बजे नेपाः बैंक्वैठ खुसिबुँइ कासामिपिं सकलसित ब्वनेगु, नापलायेगु व कासाय् ब्वति कयादीगुलिं सुभाय् देछासें दसिपौ लःल्हायेगु ज्याझ्वः जुइ । थुगु हे ज्याझ्वलय् मू सिरपा लःल्हायेगु ज्याझ्वःया विषय पत्रकार सम्मेलन नं जुइ । गुकिं मू ज्याझ्वः, गन, गुबले, गुकथं जुइ धइगु विस्तृत सुचं पिथनेगु ग्वसाः खलकं धाःगु दु ।

 

मंगलधूनया लसय् सुरजवीर बज्राचार्य च्वयादीगु, हालादीगु थुगु म्ये जुगल डंगोलया संगीत संयोजनय् पिदंगु बूदिंया भिंतुना म्ये हालाः कासाय् ब्वति कयादीपिं मेपिं कासामिपिं सजगता मानन्धर (५ दँ), सुविन्या डंगोल (५ दँ), सार्थक नकःमि (६ दँ), दिक्षा शाक्य (६ दँ) , तिमिलाजः महर्जन (६ दँ), सजेना चित्रकार (७ दँ), लुँस्वां मानन्धर (७ दँ), आलोक महर्जन (मचा), सरिना श्रेष्ठ (८ दँ), अनुष्का महर्जन (८ दँ), देशना देशार (८ दँ), प्रतिज्ञा बज्राचार्य (९ दँ), प्रतिष्ठा बज्राचार्य (९ दँ),  रक्षा महर्जन (९ दँ), इशिका महर्जन (९ दँ), आकृति महर्जन (९ दँ), आकृति (झल्झली) महर्जन (९ दँ), बिधान तुलाधर (१० दँ), सचेतना मानन्धर (१३ दँ), रबिनसन कसाः, अमोघबीर बज्राचार्य, भुपेन शाक्य, बन्धुदत्त बज्राचार्य, चन्द्र देबी शाक्य, बीरेन्द्र मान शाक्य, विनय राजोपाध्याय, हेम रत्न शाक्य, चिधिबाबु शाक्य, ज्याक महर्जन, किर्तिसुदन जोशी, निरोज महर्जन, मन्जिल शाक्य, प्रतिमा बज्राचार्य, पुष्परत्न बज्राचार्य, राजिव योगल श्रेष्ठ, रमेश महर्जन, रत्नसम्भव शाक्य, रत्नशोभा बज्राचार्य, ताराराम मुनकर्मी, सुरेन्द्रराज बज्राचार्य, राजु बज्राचार्य, सुमन मानन्धर, सुबि श्रेष्ठ, रमा महर्जन, लोकराज बज्राचार्य, रुपा श्रेष्ठ न्यांछ्यों, सबिन डंगोल, बिगेन तुलाधर, न्युइरा बज्राचार्य, सेटिस्फाई महर्जन, ज्ञानेन्द्र राज बज्राचार्य, बिपिन शाक्य, रेश्मा शाक्य, लजना मानन्धर, राजेन्द्र बज्राचार्य, बिजय कुमार श्रेष्ठ, दिपेश महर्जन, अमिता महर्जन ‘लूमिला’, ऋतु तण्डुकार रोविनशन, राजु बज्राचार्य (दथुलं शंखमुल), श्रीजना शाक्य, सबना बज्राचार्य, शुशिला मानन्धर,  मिनर्वा राजोपाध्याय, पुष्प राज शाक्य, पुष्प मानन्धर, दया बज्राचार्य, शारदा श्रेष्ठ, सिद मानन्धर, जयन्द्र ताम्राकार, सन्जिव शाक्य, रेइना महर्जन, हरिकृष्ण महर्जन, तोषण शाक्य, नदिम शाक्य, रोशन श्रेष्ठ, प्राप्ति मानन्धर, शर्मिला शर्मा राजोपाध्याय, अनिल तुलाधर, राजेश्वरी राजोपाध्याय, मणिका शर्मा राजोपाध्याय, उजं शाक्य, कल्पना श्रेष्ठ, रमिता बज्राचार्य, उत्तम महर्जन, मैयाँ बज्राचार्य, पारस बज्राचार्य, कुशुम शाक्य, वीरेन्द्र बज्राचार्य, रिया शाक्य, विश्वराज लवट, रेश्मा शाक्य (हःखा, यल), गीता सिख्राकार, मुकेश शाक्य, कृष्ण महर्जन, निर्मला शाक्य, प्रविन शाक्य, गंगादेवी महर्जन, नविन थेच्वमि, सुदीज बज्राचार्य, उजय शाही, रोजी बज्राचार्य, अनिषा श्रेष्ठ, किरण चित्रकार, पूर्णकुमार अवाले, आशाराम महर्जन, रत्नमान महर्जन, भूवनराज शाक्य, शुशिला श्रेष्ठ, निशान्त श्रेष्ठ, बिन्दुलाल जोशी, रमा बज्राचार्य, निर्मल महर्जन, प्रदिप बज्राचार्य, केशरी बज्राचार्य, न्हुच्छेराज शाक्य, पूर्ण शाक्य, सुमित्रा महर्जन, राजु शाक्य, परमेश मल्ल, राजेश महर्जन नेवाः खः । थुगु पुचलय् मचापिं कासामिपिं १८ म्ह दुसा कासाय् दुमथ्याःम्ह ३ दँ दुम्ह अपूर्व शर्मा राजोपाध्यायया म्ये भिडियो नं अतिकं लोकंह्वाःगु खः । थुगु ब्वतिलिसें मुक्कं १२१ म्हसिगु ब्वति, ब्वतिइ स्वनिगःपिनें, देसं पिनें ब्वति काःपिं कासामिपिं जक मखःसे नेवाः भाय् मसःपिनिगु तकं ब्वति दुगु कासां ब्यूगु उत्साहकथं कयाच्वना ।

 

लिपा, कासाय् ब्वति कयादीपिं, ब्वति कयादीपिंनाप स्वाःपिं, न्हियान्हिथं कासाया अपडेटनापनाप उत्साहित जुयादीपिं, कासा प्रचारया नितिं सक्रिय जुयादीपिं पत्रकार व संचार माध्यम, आः मू जिम्मेवारी कयादीपिं जजपिं, प्रायोजक चेज लिड टिभीया नेपालया उत्पादक गोल्मा कम्पनी प्रा.लि., नेपालभाषाया संगीत ख्यलय् न्हूपिं म्येहालामिपिं हयेगु भिं–तातुनां थुगु कासाया हःपा ब्यूगु आर्टोम्यूज रेकर्डिङ स्टुडियो, संगीतकार जुगल डंगोल, कासामि जुयाः नं न्हियान्हिथं कासायात अझ प्रभावकारी व सरल यायेत प्राविधिक रुपं न्हि व चा मधाःसे ग्वाहालि यानादीम्ह विनय राजोपाध्याय, सुयागु भ्यूज गुलि जुल धइगु उत्सुकता ब्वलंकेत व तंकेत भ्यूजया ल्याः ब्वयादीम्ह भुपेन शाक्य, व थुगु कासानाप स्वाःपिं सकलसित सुभाय् देछासे वइगु २० गते जुइगु ज्याझ्वःया प्रचारया नितिं नं छिगु ब्वति दइगु भलसा कासें ग्वसाःखलकं सकलसित सुभाय् नं देछाःगु दु ।

 

Categorized in राष्ट्रिय