चन्द्रागिरि नगरपालिकाय् कोरोना सङ्क्रमितपि ५५१म्ह थ्यःन
लहानान्युज | अनलागा ७ ११४०,असोज २३ शुक्रवाः
![](https://www.lahananews.com/sites/default/files/corna11_6.jpg)
चन्द्रागिरि नगरपालिकाय् कोरोना सङ्क्रमितपि ५५१म्ह थ्यःगु दु। स्वनिगः वयेगु मुख्य नाकाय् चन्द्रागिरि म्हिगः बिहीवाः १३म्ह सङ्क्रमित थपे जूगु नाप उगु थासय् ५५१म्ह थ्यःगु दु।
चन्द्रागिरिय् दकलय् कम वडा २ य् च्याम्ह व दलकय् अप्वो वडा ८ य् १०४ म्ह सङ्क्रमित पिहावःगु दु।
अथेहे वडा १ य् १३म्ह, वडा २ य् च्याम्ह, वडा ३ य् ३६म्ह, वडा ४ य् २८म्ह, वडा ५ य् २९ म्ह, वडा ६ य् १६ म्ह, वडा ७ य् १५ म्ह, वडा ८ य् १०४ म्ह, वडा ९ य् १६ म्ह, वडा १० य् ३० म्ह, वडा ११ य् ५९ म्ह, वडा १२ य् ४६ म्ह, वडा १३ य् ३५ म्ह, वडा १४ य् ५१ व वडा १५ य् ५६म्हेसित सङ्क्रमित जूगु दु।
कोरोना सङ्क्रमित मध्ये ३४३ म्ह छेँय् लिहावने धुकुगु दु। आःतक १६५म्ह होम आइसोलेसनय् व ३८म्ह स्वनिगः दुने थीथी अस्पतालय् वासः याका वयाच्वंगु दु।
कोरोना सङ्क्रमणया कारण चन्द्रागिरि आःतक न्याम्ह मन्त। चन्द्रागिरिं कोरोना सङ्क्रमित बिरामीपिनिगु उपचारया लागि सशस्त्र प्रहरी बल अस्पताल बलम्बु व मनमोहन अस्पताल दहचोकय् वासः याना वयाच्वंगु खः।
नगरपालिका दुने आःतक १० हजार मनू तयेगु पीसीआर परिक्षण याये धुकुगु दु।
Categorized in राष्ट्रिय