गोरखाय् थौं थप १०म्ह कोरोना संक्रमन
लहनान्युज | तछलागा एकादशी ११४०,असार २ मंगलवाः
![](https://www.lahananews.com/sites/default/files/covid1_3.png)
गोरखाय् थौं मंगलवाः थप १०म्हेसित कोरोना संक्रमित जूगु दु ।
गोरखा नगरपालिकाय् न्ह्यम्ह, बारपाक सुलिकोट गाउँपालिकाय् निम्हव गण्डकी गाउँपालिकाय् छम्हेसित संक्रमण खने दुगु धका स्वास्थ्य निर्देशनालय पोखरां पुष्टि याःगु दु ।
गोरखा नगरपालिका वडानम्बर १ व ११ य् निम्ह निम्हेसित व वडा नम्वर ३, ६ व १३ य् छम्ह छम्हेसित संक्रमण खने दुगु दु । उपि मध्ये खुम्ह भारतं लिहा वःपि खःसा छम्ह येँय् न वःम्ह खः ।
२३ गते कोरोना परीक्षणया लागि वयागु स्वाब संकलन याना प्रदेश जनस्वास्थ्य प्रयोगशाला पोखरा छ्वःगु खः ।
गोरखा नगरपालिकाय् संक्रमित न्ह्यम्ह मनकामना आवासीय बहिरा माध्यमिक विद्यालयया क्वारेन्टिनय् च्वना च्वपि खः । उमित जिल्ला अस्पताल गोरखाया आइसोलेसन वार्डय् तःगु दु ।
गण्डकी गाउँपालिकाय् संक्रमितपि भारतं वःपि खः । वडा नम्बर ५ याम्ह उम्ह जेठ १४ गते वया रत्नेश्वर माविया क्वारेन्टिनय् च्वना च्वम्ह खः ।