गृहमन्त्री जनार्दन शर्मां कडा पलाय् न्याकेगु ख्याच्वः
लहनान्युज | गुंला थ्व तृतीया ११३७ (जुलाई २६ २०१७)
![](https://www.lahananews.com/sites/default/files/ho.jpg)
गृहमन्त्री जनार्दन शर्मां यातना बिईगु ज्याः दिकेत सरकारं कडा पलाय् न्याकेगु ख्याच्वः बिउगु दु ।
गृहमन्त्री शर्मां सार्वजनिक पदधारण याना व्यक्तिपिंन्स यातना बिउगु व निर्मम, अमानवीय नापं अपमानजनक व्यवहार यासा कडा कार्वाही जुईगु नितिं सरकारं कानुन दयेकेत्यगु धका स्पष्ट यानादिगु खः ।
बुधवाः व्यवस्थापिका संसद राज्य व्यवस्था समितिया बैठकं यातना बिईगु व निर्मम, अमानवीय अले अपमानजनक व्यवहार याईपिंन्त नियन्त्रण यायेगु सम्बन्धय् बनेजुगु बिधेयक, २०७१ लय् सहलह ज्याझ्वलय् ब्वतिकयादिसे वय्कलं सरकार यातना बिईपिंन्त फौजदारी कसुर मानेयाना कार्वाही यायेगु प्रतिवद्ध यागु धका तक स्पष्ट यानादिगु खः ।
वय्कलं सार्वजनिक पदधारण यापिंन्स बिईगु यातना नियन्त्रण यायेगु संविधानहे किटानी व्यवस्था दुगु उल्लेख यासे उगु अनुसारया कानुन दयेकेत नं विधेयक हेमागु धका स्मरण यानादिगु खः ।
व्यवस्थापिका संसद राज्य व्यवस्था समितिलय् विचाराधिन यातना बिईगु व निर्मम, अमानवीय नापं अपमानजनक व्यवहार याईपिंन्स नियन्त्रण यायेगु सम्बन्धय् बनेजुगु विधेयक, २०७१ कय् सार्वजनिक पदधारय् यागु व्यक्तिपिंन्स यातना विउगु खनेदुसा ५ बर्ष कैद सजाय व ५० हजार जरिवाना जुईगु व्यवस्था यानातगु दु ।।