गुथि विधेयकया विरुद्धय् असनय् बिरोध सभा
नृपेन्द्रलाल श्रेष्ठ | तछलाथ्व नवमी ११३९ (जुन ११ २०१९)
![](https://www.lahananews.com/sites/default/files/IMG20190611165624.jpg)
नेपाल कम्युनिष्ट पार्टी क्रान्तिकारी माओवादीया भ्रातृ संगठन नेवाः राष्ट्रिय मुक्ति मोर्चाया ग्वसालय् थौं मंगलवाः असनय् छगु बिरोध सभा याःगु दु ।
वःगु जेठ २६ गते आइतवाः येँया माइतीधर मण्डलाय् गुथि विधेयकया विरुद्धय् शान्तिपूर्ण धर्ना व विरोध ज्याझ्वलय् प्रहरी दमन याःगु विरोधय् व सरकारं हःगु गुथि ऐनयात कयाः उगु ज्याझ्वः जुगु खः ।
थौं जुगु उगु ज्याझ्वलय् देशभक्त जनगणतान्त्रिक मोर्चाया केन्द्रीय नायः सीपि गजुरेल, नेवाः राष्ट्रिय मुक्ति मोर्चा नायः पवनमान श्रेष्ठ व डा. ओम गुरुङ पिन्सं गुथि विधेयकं जनविरोधी ऐन दयेकेगु षडयन्त्र खः धका धयादिगु खः ।
मुक्ति मोर्चाया ग्वसालय् छगु जुलुस न याःगु खः । सभा लिपा संसदय् दर्ता जुगु विधेयक च्याकाः बिरोध याःगु खः ।