क्रिष्टल प्यालेसयात बुका लिभरपुल इंग्लीश प्रिमियर लिग फुटबलया शीर्ष थासय्
ञंलाथ्व चतुर्दशी ११४१, असोज ३ आंईतवाः
![](https://www.lahananews.com/sites/default/files/manu_10.jpg)
क्रिष्टल प्यालेसयात बुका लिभरपुल इंग्लीश प्रिमियर लिग फुटबलया शीर्ष थासय् थहाँवंगु दु ।
वंगु चान्हय् थःगु हे मैदानय् जूगु कासाय् लिभरपुलयात ३गू–०या गोल अन्तरं बुकेत सादियो माने, मोहोमद सालाह व नाबी किएटां छगू छगू गोल याःगु खः । थुगु गोललिसें मानें लिभरपुलया नितिं थःगु सच्छिगू गोल पूवंकुगु दु ।
कासा त्यागु लिसें लिभरपुल ५गू कासां १३गू ल्याः मुना धलःया शिर्ष थासय् थ्यंगु दु । उतिग्यंक कासां १०गू ल्याः मुंगु म्यान्चेस्टर सिटी निगूगु थासय् दु । वंगु चान्हय्सिया कासाय् सिटीयात साउथह्याम्पटनं गोल मयासें ज्वलिन्ज्वः म्हितल ।
प्रिमियर लिगया मेगु कासाय् आर्सनलं बर्नलेयात १गू–०या गोृल अन्तरं बुकुबलय् एस्टन भिल्लां एभर्टनयात ३गू–०या गोल अन्तरं त्याकुगु दु । प्रिमियर लिगय् थौं ३गू कासा जुइ ।
थौं ब्राइटन व लेस्टर सिटी म्हितिइबलय् वेष्ट ह्याम युनाइटेड व म्यान्चेस्टर युनाइटेड अले टोटनह्याम हट्सपर व चेल्सी दथुइ कासा जुइ ।
Categorized in कासा