क्यालेन्डर पितब्बज्या
नृपेन्द्रलाल श्रेष्ठ | कौलाथ्व पुन्हि ११३८ ( अक्टुवर २४ २०१८ )
क्रियटिभ दी स्टुडिया ग्वसालय् नेपाल संवत ११३९या क्यालेन्डर पितब्बज्या जुगु दु । उगु ज्याझ्वलय् नांजाःम्ह वरिष्ठ फोटोग्राफर राजभाई सुवाल, ज्योतिष ज्ञानेन्द्र प्रसाद जोशी, पुलांम्ह मिस नेवाः सुनिता डंगोल व मोडल सृष्टि महर्जनं मंकाः कथं उलेज्या यानादीगु खः ।
नांजाःम्ह वरिष्ठ फोटोग्राफर राजभाई सुवालं झिंच्यादँ न्ह्यःनिसें मदिक्क नेपाल संवतया क्यालेन्डर पिथनाःवया च्वंगु खः । थुगुसिया न क्यालेन्डरया निरन्तर बिइसे छगू ज्याझ्वःया ग्वसाः ग्वया पितब्ज्या यानादीगु दु ।
थुगुसिया क्यालेन्डरय् झीगु जीवनया माःगु पञ्चतत्वयात न्ह्यब्बसे राजभाई सुवालया हे थःगु क्रियटिभ दी स्टुडियोपाखें पिकाःगु खः। थुकीइ सृष्टि महर्जन मोडल यानादीगु खः कथं खनेदयाच्वंगु दु ।
ज्याझ्वलय् क्यालेन्डरया राजभाई सुवाल, ज्योतिष ज्ञानेन्द्र प्रसाद जोशी, क्यालेन्डरया संयोजक कमला महर्जन सुवाल व पुलांम्ह मिस नेवाः सुनिता डंगोलं क्यालेन्डरयात कथाः थःथःगु नुगःखँ तयादीगु खः ।
