कोलम्बियायात बुकाः अर्जेन्टिना कोपा अमेरिका फुटबलया फाईनलय्
बछलागा त्रयोदशी ११४१,असार २३ बुधवाः
![](https://www.lahananews.com/sites/default/files/Argentai.jpg)
कोलम्बियायात बुकाः अर्जेन्टिना कोपा अमेरिका फुटबल धेंधें बल्लाःया फाईनलय् थ्यंगु दु ।
ब्राजिलय् थौं सुथय् जूगु सेमफिाईनल कासाय् अर्जेन्टिना टाईब्रेकरय् त्याःगु खः । कासाय् अर्जेन्टिनाया लौतारो मार्टिनेजं न्हापांगु गोल याःसां कोलम्बियाया लुइस डियाजं ज्वलिंज्वः गोल यायेधुंकाः कासा टाइब्रेकरय् वंगु खः ।
टाइब्रेकरय् अर्जेन्टिनाया गोलकिपर इमिलियानो मार्टीनेजं स्वंगू प्रहार पनाः टोलीयात फाईनलय् थ्यंकाबिल । अर्जेन्टिनां आः फाईनलय् ग्वसाः खलः देय् ब्राजिललिसे उपाधिया लागिं धेंधें बल्लाः याइ ।
न्हापांगु सेमिफाईनलय् पेरुयात ल्यूने लाकाः ब्राजिल फाईनलय् थ्यंगु खः । कोपा अमेरिका फुटबलया न्ह्यानाच्वंगु संस्करणया फाईनल कासा वइगु आइतबाः सुथय् जःछि पाः ६ताः इलय् ब्राजिलया रियो दि जेनेरियो शहरया नांजाःगु माराकाना रंगशालाय् जुइ ।
Categorized in कासा