कोरोना सक्रमणं ११म्ह मन्त
लहानान्युज | अनलागा १ ११४०,असोज १६ शुक्रवाः
वःगु २४ घन्टाया दुने नेपालय् थप ११ म्ह कोरोना संक्रमणं सीगु दु धका स्वास्थ्य तथा जनसंख्या मन्त्रालयं धाःगु दु। थ्व नाप आःतक नेपालय् कोरोना संक्रमणं सीपि ५२०म्ह थ्यःगु दु।
वःगु २४ घन्टाय् नेपालय् थप २७२२ म्हेसित कोरोना संक्रमण पुष्टि जूगु दु ।
अथेहे वःगु २४ घन्टाया दुने कोरोनामुक्त जूपि ३३०७ म्ह डिस्चार्ज जूगु दु।
अथेहे आःतक नेपालय् आइसोलेसनय् च्वना च्वपि कोरोना संक्रमितपि २१ हजार २३४ म्ह थ्यःगु दु। ४ हजार ८८५म्ह क्वारेन्टाइनय् च्वना च्वंगु दु धका प्रवक्ता गौतमं धाःगु दु।
आःतक पीसीआर विधिपाखे १० लाख ४८ हजार ६८६ परीक्षण याये धुकुगु दु धका मन्त्रालयं धाःगु दु।
Categorized in राष्ट्रिय
