कुथेली बुखरी स्मल हाइड्रोपावर लिमिटेडया आईपीओ बाँडफाँट जूगु दु।

सेयर निष्कासन बिक्री प्रबन्धक एमएमबि क्यापिटलया कार्यालयय् कम्पनीं आईपीओ थौं आइतवाः बाँडफाँट याःगु दु। १० हजार ११५ आवेदकपिन्स १० कित्ताया भावं कम्पनीया सेयर लागु दु। उकि मध्ये भाग्यमानी छम्हेसिया थप छगू कित्ता सेयर लागु दु।

कम्पनीं वंगु असार २६ गतेनिसे २९ गते तक प्रतिकित्ता १०० रुपैयाँ भावं १ लाख १ हजार १५१ कित्ता सेयर निष्कासन याःगु खः । उगु सेयरय् जम्मा १० लाख ४८ हजार ४६८ आवेदकपिन्स आवेदन बिःगु खः। उकि मध्ये १० लाख ४७ हजार ३०५ आवेदन स्वीकृत जूगु दु।

ल्यः दुगु १ हजार १६३ आवेदन रद्द जूगु खः। कम्पनीया आईपीओया लिच्वः रिजल्ट सीडीएस एण्ड क्लियरिङ लिमिटेडं तयार याःगु मेरो सेयर रिजल्ट वेबसाइट व बिक्री प्रबन्धक एनएमबि क्यापिटल लिमिटेडं तयार याःगु आईपीओ रिजल्ट पोर्टलय् स्वये फइगु जूगु दु।

Categorized in राष्ट्रिय