किपूया मेयर रमेश महर्जनपाखे इछेँ त्वाःया फल्चा
लहानान्युज | कछलागा पारु ११४१, मंसिर १६ मंगलवाः
किपू नगरपालिका १० वडाया इछेँ त्वाःया फल्चा छगु ज्याझ्वः दथुइ मूपाहाँ किपू नगरपालिकाया मेयर रमेश महर्जनं उलेज्या यानादीगु दु ।
मूपाहाँ मेयर महर्जनं फल्चा नेवाः तयेगु म्हसीका जूगु व उकिया संरक्षण झीसं हे यायेमाःगु खँय् बः बियादीसें फल्चाया यक्को महत्वय् दु । नाप फल्चाय् च्वनाः झी मा बज्येपिन्सं इताः कायेगु जक ज्या याःसां नं पर्यटकपिनिगु नितिं नेवाः बस्ती दुने दुहाँ वयागु अनुभव याइगुलि फल्चा धैगु नेवाः म्हसीकाया चिं खः । उकिं फल्चाया संरक्षण त्वालय् च्वपि लगे जुइमाःगु धका धयादीगु खः ।
ज्याझ्वलय् विशेष पाहाँ उपमेयर सरस्वती खड्का रिजालं सम्पदा ख्यलय् किपू नगरपालिकाया मू आज्जु धइगु ऐतिहासिक नाप पुरातात्विक सम्पदा फल्चाया पुनःनिर्माण निसें कयाः किपूया म्हसीका दुगु भाषा कला संस्कृति सम्पदात यात संरक्षण व समद्धनज याये माःगु खँय् बः बियादिगु खः।
उगु ज्याझ्वलय् पाहाँ कथं किपू नगरपालिकाया वडा अध्यक्षपि १० या अमन महर्जन, १ वडाया हर्ष महर्जन, २ या वडाध्यक्ष रमेशमान डंगोल व वडा सदस्यपि चिनीकाजी श्रेष्ठ, हरिशरण महर्जन, संगीता उप्रेती श्रेष्ठ, धनबहादुर महर्जन, त्रिरत्न नाप कीर्ति विहारया अध्यक्ष जुलुम शाक्य न ज्याझ्वलय् उपस्थिति दुगु खः ।
इछेँ त्वाःया थकाली बद्रीलाल तण्डुकारया सभाधक्ष्यताय् जुगु उगु ज्याझ्वलय् फल्चा निर्माणया कजि रत्नकुमार महर्जन लसकुस न्वचू बियादीगु खः ।
Categorized in राष्ट्रिय
