येँ महानगरपालिकाया मेयर विद्यासुन्दर शाक्यं महानगरय् कन्ह्यनिसे निःशुल्क पिसिआर परीक्षण यायेगु धका धयादीगु दु।

पिसिआर परिक्षणया लागि स्वाब संकलन यायेगु ज्या न्ह्या वनाच्वंगु दु धका धयादीगु दु।

थौं येँया शंखधर पार्कय् जुगु राष्ट्रिय विभूति शंखधर साख्वा व मानव अधिकारवादि नेता नाप नेवाः न्ह्यलुवाः पद्मरत्न तुलाधरया झ्वाता अनावरण ज्यााझ्वलय् मेयर शाक्यं अथे धयादीगु खः।

अथेहे वयलं कन्ट्याक्ट ट्रेसिङय् लापि अशक्त व जेष्ठ नागरिकपिनिगु पीसीआर परीक्षणया लागि स्वाब संकलन यायेत मोबाइल भ्यान सञ्चालन यायेगु तयारी तक दुगु धका धयादीगु खः।

मेयर शाक्यं कन्ट्याक्ट ट्रेसिङय् लापि व लक्षण खनेदुपिन्स जक पिसिआर टेष्ट यायेत इनाप यानादीगु खः। स्वनिगलय् वःगु छु ई निसे कोरोना संक्रमण अप्वोया वना च्वंगु उगु चक्र तोडे यायेत प्रभावकारी पलाः ल्ह्वनेइगु ई वःगु दु धका धयादिगु खः।

Categorized in राष्ट्रिय