ए डिभिजन लिग फुटबलय् थौं जावलाखेल व नेपाल पुलिस क्ललदथुइ धेंधेंबल्ला
कछलागा नवमी ११४२, मंसीर १२ आईतवाः
![](https://www.lahananews.com/sites/default/files/a%20divison%20ll.jpg)
सहिद स्मारक ए डिभिजन लिग फुटबलय् थौं जावलाखेल युथ क्लब व नेपाल पुलिस क्लबदथुइ धेंधेंबल्ला जुइत्यंगु दु ।
त्रिपुरेश्वरस्थित दशरथ रंगशालाय् जुइगु कासा न्हिनय् १ताः ईलय् न्ह्याइ । लिगया न्हापांगु कासाय् जावलाखेल ९क्वःतक च्याम्पियन जुइधुंकूगु मनाङ मर्स्याङ्दीलिसे १–० गोल अन्तरं बूगु खः ।
नेपाल पुलिसं डर्बी क्लब त्रिभुवन आर्मीलिसे १गू–१गू गोलया ज्वलिंज्वः म्हितूगु खः । थ्वसिवे न्ह्यः म्हिगः जूगु कासाय् मनाङ मस्र्याङ्दी व च्यासल युथ क्लब त्याःगु दु ।
मनाङं हिमालयन शेर्पा क्लबयात १गू–०गू गोल अन्तरं बुकूगु दुसा च्यासलं विभागीय टिम एपीएफ क्लबयात १गू–०गू गोल अन्तरं बुकूगु खः । कासा त्याःगुनाप मनाङ धलःया शीर्ष थासय् थ्यंगु दु ।
मनाङं २गू कासापाखें ६गू ल्या मुंकूगु दु । अथेहे च्यासलं निगू कासाय् ३गू ल्या मुंकूगु दु ।
Categorized in कासा