उपराष्ट्रपति पुन नेपाः लिथ्यन
लहनान्युज | ने.सं. ११३९ बछलागा त्रियोदशि (१ जुन, २०१९)
![](https://www.lahananews.com/sites/default/files/nanda.jpg)
उपराष्ट्रपति नन्दबहादुर पुन अष्ट्रियाया ८न्हु भ्रमण क्वचायेकाः थौं सञ्चरवाः सनिलय् नेपाः लिहां झायादीगु दु ।
उपराष्ट्रपति पुन अष्ट्रियाया भियनयाय् ग्वसाः ग्वःगु जलवायु सम्बन्धि आर–२० अष्ट्रियन विश्व शिखर सम्मेलनय् ब्वति कायेत वंगु जेष्ठ १२ गते उखे झायादीगु खः ।
भियनाय् च्वनादीगु इलय् उपराष्ट्रपति पुनं अष्ट्रियाया राष्ट्रपति अलेक्जेण्डर भान दर बेलेनलिसे नापलानाः निगू पक्षीय हीत व ग्वाहालिया विषयस सहलह यानादीगु खः ।
अथे हे उपराष्ट्रपति पुनं भियनाय् ग्वसाः ग्वःगु जलवायु सम्बन्धि आर–२० अष्ट्रियन विश्व शिखर सम्मेलनया विशेष सत्रय् तकं सम्बोधन यानादीगु खः ।
भ्रमण दलय् उपराष्ट्रपतिया जहान हस्तमाली पुन व वन तथा वातावरण मन्त्री शक्ति बहादुर बस्नेतलिसें दुगु खः ।
Categorized in राष्ट्रिय