उत्तर कोरियां हाकनं मिसाइल परीक्षण यात
ञंलाथ्व सप्तमी ११४१, भाद्र २८ सोमवाः
उत्तर कोरियां हाकनं मिसाइल परीक्षण याःगु दु । निगः न्हूगु तःहाकगु क्रुज मिसाइलया सुथांलाक्क परीक्षण यानागु दावी याःगु दु ।
परीक्षण याःगु उगु मिसाइलं १५सः किलोमिटरया दूरी तय यायेफइगु धाःगु दु । उत्तर कोरियां उगु मिसाइलयात महत्वपूर्ण रणनीतिक हतियार कथं कयावयाच्वंगु दु ।
वंगु जनवरीइ अमेरिकाया राष्ट्रपति जो बाइडेनं शपथ काःबले नं उगु क्रुस मिसाइल परीक्षण याःगु खः । छुं दिं न्ह्यः जक उत्तर कोरियाया ७३क्वःगु वर्षगाँठया लसताय् स्वनिगः प्योङयाङय् विशाल सैनिक परेड याःगु खः ।
Categorized in अन्तर्राष्ट्रिय
