इन्धनया भाः हाकन थहावन
लहनान्युज | चौलाथ्व पंचमी ११४२, २३ बुधवाः
![](https://www.lahananews.com/sites/default/files/pi1_15.jpg)
नेपाल आयल निगमं इन्धनया भाः हाकन थकाउगु दु।
म्हिगः चान्ह्यः १२ बजे निसे लागु जुइगु कथं निगमं पेट्रोल, डिजल व मचिकंया भाः लिटरय् न्यातका थकाउगु दु ।
थ्व नाप आः पेट्रोल लिटरं १६० रुपैयाँ थ्यंगु दु सा डिजल व मचिकं लिटरं १४३ थ्यंगु दु। अथेहे न्हापा १५ सय ७५ रुपैयाँ जुगु जाः थुइगु ग्यास आः सिलिण्डरय् १६ सय रुपैयाँ थ्यंगु दु।
निगमया सह–प्रवक्ता पुस्कर कार्कीया कथं आः पेट्रोलया भाः लिटरं १८२ रुपैयाँ ९८ पैसा तुगु दुसा मचिकं १३६ रुपैयाँ ३१ पैसा व डिजेल १७१ रुपैयाँ लागतया दु।
स्वचालित कथं भाः जुलकि पेट्रोल लिटरं १८२ रुपैयाँ ९८ पैसा थ्यनिइगु जुइफु। अथेहे ग्यासया भाः स्वचालित जुलकि २५ सय ३२ रुपैयाँ तक थ्यनेफु धका धायगु दु।
Categorized in राष्ट्रिय