इन्डियन प्रिमियर लिगया फाइनल थौं जुइगु
लहानान्युज | कौलागा दशमी ११४०,कार्तिक २५ मंगलवाः
![](https://www.lahananews.com/sites/default/files/Mumbai-Vs-Delhi-IPL-final-2020.jpg)
इन्डियन प्रिमियर लिग (आईपीएल) टी २० क्रिकेटया १३ क्वःगु संस्करणया फाइनल थौं जुइगु दु।
आःतक दकलय् अप्वो प्यकः तक च्याम्पियन मुम्बई इन्डियन्स व न्हापागु पटक फाइनल थ्यःगु दिल्ली क्यापिटल्स उपाधिया लागि थौंया कासा जुइ त्यःगु खः।
थुगु फाइनल कासा नेपाःया ई कथं बहनि सिया ७ः४५ बजे युएईया दुबईलय् जुइ।
सविक विजेता तक जुम्ह मुम्बई न फाइनल कासाय् खुगु पटक खः। थ्व स्वया न्ह्यः १२ क्वःगु संस्करणय् फाइनल मथ्यःगु दिल्ली न्हापागु पटक फाइनल वना इतिहास तयेत ताःलागु खः।
आः जुया वयाच्वंगु १३ क्वःगु फाइनल जुइ न्ह्यः मुम्बई नं दिल्लीयात स्वकः तक हे बुकुगु दु। लिगया निगु चरण व न्हापागु क्वालिफायरय् मुम्बई न दिल्लीयात बुकुगु खः।
लिग चरण नं मुम्बई १४ गु कासा मध्ये ९ गु कासा त्याका न्हापागु थासय् खः। निगु थासय् लागु दिल्ली ८ गु कासाय् त्याका निगुगु थासय् लागु खः
लिग सुरु जुइ न्ह्यः हे मुम्बई व दिल्लीयात उपाधिया दाबेदार टिमया रुप कायेगु याःगु खः।
Categorized in कासा