इन्डियन प्रिमियर लिगया उपाधी मुम्बई इन्डियन्सयात
लहानान्युज | कौलागा एकादशी ११४०,कार्तिक २६ बुधवाः
![](https://www.lahananews.com/sites/default/files/ipl_0.jpg)
मुम्बई इन्डियन्सं न्याक्वःत इन्डियन प्रिमियर लिग (आईपीएल) क्रिकेटया उपाधि त्याकूगु दु। आईपीएया दकलय् अप्वो सफल टोली मुम्बई न मंगलवाः चान्ह्य जूगु फाइनलय् दिल्ली क्यापिटल्सयात ५ विकेटं त्याकूगु खः।
न्हापागु पल्ट फाइनल म्हितूगु दिल्लीं मंगलवाः जुगु कासाय् मुम्बईयात खासै तधःगु चुनौती बिइ मफुत।
७ विकेट गुमे यासे १५६ रन जक दयेके फुगु खः। मुम्बई न आःतक फाइनल छकः न बुगु धाःसा मदुनि।
उगु लक्ष्य कप्तान रोहित शर्मां ६८ रन दयेका मुम्बई न याउक १८.४ ओभरय् पूरा याःगु खः।
वःगु दँ मुम्बई न चेन्नई सुपर किंग्सयात १ रनं त्याका उपाधि त्याकूगु खः। मुम्बई न थ्व स्वया न्ह्यः २०१३, २०१५ व २०१७ य् न उपाधि त्याके धुकुगु खः। चेन्नई न स्वकः तक त्याके धुकुगु दु। दिल्लीयात मुम्बई न थुगु सिजनया कासाय् प्यकं तक त्याकूगु खः। राउन्ड रोबिनया निगु हे कासा न मुम्बई न शुक्रवाः दिल्लीयात क्वालिफायर १ य् ५७ रनं बुकुगु खः।
रोहितं निक्वःगु पटक फाइनलय् अर्धशतक याःगु खः। हार्दिक पाण्ड्ये ३ रन बनाई नोकिआया बलय् आउट जूगु खः। इशान किशन १९ बलय् ३ चौका व १ छक्का नाप ३३ रन अविजित जूगु खः।
दिल्लीया सुरुवात तसक बांला मजुल। थगु सिजनय् बांलाक्क म्हिता च्वम्ह स्टोइनिसयात न्हापागु बलय् हे ट्रेन्ट बोल्टं विकेट काःगु खः। अजिन्क्या रहाने २ व शिखर धवन १५ रनय् आउट जुगु खः। कप्तान श्रेयस ऐर व ऋषभ पन्तं ५६ रन, ऐर ५० बलय् ६५ रन, सिमरन हेटमायर ५ व अक्षर पटेल ९ रनय् आउट जूगु खः। दिल्लीया पूर्वखेलाडी बोल्टं मुम्बइपाखे सानदार प्रदर्शन यासे म्यान अफ द म्याच जुया ४ ओभरय् ३० रन बिया ३ विकेट काःगु खः। नाथन–कल्टर निलं ४ ओभरय् २९ रन बिया निगु जयन्त यादवं छगू विकेट काःगु खः।
रोयल च्यालेन्जर्स बेंग्लोरया देवदत्त पाडिक्कलं इमर्जिङ खेलाडीया उपाधि त्याकूगु खः। १५ गु कासाय् ४७३ रन दयेकूगु खः। गेम चेन्जरया अवार्ड काःगु किंग्स इलेभेन पन्जाबया केएल राहुलं दकलय् अप्वो ६७० व दिल्लीया कागिसो राबाडां दकलय् अप्वो ३० विकेट काःगु खः।
मोस्ट भ्यालुएबलं पुरस्कार राजस्थान रोयल्सया जोफ्रा आर्चर काःगु खः। राजस्थान ८ गु टिमय् सहभागी कासाय् राउन्ड रोबिन लिगय् दकलय् लिउने लाःगु खः। फेयरप्ले अवार्ड मुम्बई इन्डियन्सयात बिःगु खः।
Categorized in कासा