इंग्लीश प्रिमियर लिगय् टोटनह्याम हट्सपरं म्यान्चेस्टर सिटीयात बुकल
इंग्लीश प्रिमियर लिगय् टोटनह्याम हट्सपरं म्यान्चेस्टर सिटीयात बुकल
![](https://www.lahananews.com/sites/default/files/tott.jpg)
इंग्लीश प्रिमियर लिग फुटबलय् टोटनह्याम हट्सपरं म्यान्चेस्टर सिटीयात १–०या गोल अन्तरं बुकुगु दु ।
वंगु चान्हय् थःगु हे ख्यःलय् जूगु कासाय् टोटनह्यामयात त्याकाबिइत कोरियाली कासामि सन हिउङ मिनं ५५गूगु मिनेटय् याःगु गोल हे निर्णायक जुल ।
न्हूम्ह प्रशिक्षक नुनो इस्पीरितो सान्तोया प्रशिक्षणय् टोटनह्यामं सिजनया न्हापांगु कासाय् साविक त्याकुमि म्यान्चेस्टर सिटीयात स्तब्ध याःगु खः । थ्व त्यागुलिसे्ं टोटनह्यामं नाँजाम्ह स्ट्राइकर ह्यारी केन मदयेकं नं उत्कृष्ट ब्वज्या यायेफइ धइगु हसना बिउगु दु ।
केनयात म्यान्चेस्टर सिटीं थःगु टोलीइ दुथ्याकेगु कुतः यानाच्वंगु दु । प्रिमियर लिगया हे मेगु कासाय् वेष्ट ह्याम युनाईटेडं न्युकायसल युनाईटेडयात ४गू–२गूया गोल अन्तरं बुकुगु दु ।
Categorized in कासा