इंग्लीश प्रिमियर लिगया न्हूगु सिजन थौं निसें न्ह्याइगु
गुंलाथ्व पंचमी ११४१,साउन २९ शुक्रवाः
![](https://www.lahananews.com/sites/default/files/epl_2.jpg)
इंग्लीश प्रिमियर लिग फुटबलया न्हूगु सिजन थौंनिसें न्ह्यायेत्यंगु दु ।
उलेज्या कासाय् थौं चान्हय् आर्सनलं प्रिमियर डिभिजनया नवप्रवेशी टोली ब्रेन्टफोर्डलिसे म्हितेत्यंगु दु । थ्व कासा ब्रेन्टफोर्डया मैदानय् जुइ । थ्वखुसिइ ब्रेन्टफोर्डलिसे नरिच सिटी व वाट्फोर्ड च्याम्पियनसिपपाखें प्रिमियरसिपय् थहाँवंगु दु ।
साविक त्याकुमि म्यान्चेस्टर सिटीं थःगु न्हापांगु कासाय् आइतबाः टोटनह्याम हट्सपरलिसे म्हितिइ ।
अथेहे न्हापांगु चरणय् लिरभपुलं नरिच सिटीलिसे म्हितिइबलय् चेल्सी व क्रिष्टल प्यालेस अले म्यानचेस्टर युनाईटेड व लिड्स युनाईटेड दथुइ कासा जुइ ।
Categorized in कासा