आनन्दकुटीइ आइशोलेशन दयेकीगु तयारी
लहानान्युज | कछलागा दशमी ११४१, मंसिर २५ बिहीवाः
नेपाल ओलम्पिक कमिटीया अध्यक्ष नाप प्रतिनिधिसभाया सांसद जीवनराम श्रेष्ठं सांसदविकास कोषपाखें १ करोड ५० लाख ४० हजार तका ग्वाहालि याना येँया आनन्दकुटी आइसोलेसन दयेकीगु लागि तयार यानादीगु दु।
आनन्दकुटीइ ५० बेड क्षमताया आइसोलेशन दयेके तयारी दु धका सांसद श्रेष्ठं अन छगु निरिक्षणयासे अथे धयादीगु खः।
थौं कन्हय बिश्वन्यंकं महामारी कथं वयाच्वंगु कोभिड–१९ लहर न्ह्यानाच्वंगु नेपालय् महामारी जुया च्वंगुलि पूर्वतयारी कथं आइसोलेशन दयेके त्यनागु धका सांसद श्रेष्ठ धयादीगु खः । थनया थाय् तसक बालागुलि आइसोलेशनय् माःगु योगाभ्यास नाप शारीरिक व्यायामया यायेत थुगु थाय् उपयुक्त जुइगु धका धयादीगु खः। आःया लागि ५० बेदयाना लिपा माःसा ८० बेडतक आइसोलेशनया व्यवस्था याये फइ धका सांसद श्रेष्ठ धयादीगु खः।
थुगु आइसोलेशनया लागि स्थानीय रोटरी क्लब, मनाङ्ग क्लबं नाप येँ महानगर नं ग्वाहालि दइ धका धयादीगु खः।
Categorized in राष्ट्रिय
