आईसीसी बरियताय् नेपाः यथावत
लहनान्युज | गुंलागा चौथी ११३९ (अगष्ट १९ २०१९)
![](https://www.lahananews.com/sites/default/files/One-Day-International-Nepali-cricket-team.jpg)
एकदिवसीय व टी — २० क्रिकेटया बरियताय् नेपाः यथावत हे जुगु दु ।
अन्तर्राष्ट्रिय क्रिकेट परिषद् (आईसीसी) थौं (सोमवाः) सार्वजनिक याउगु विश्व बरियताय् नेपाल निगु हे फम्र्याटय् स्थिर हे जुया च्वंगु दु । एकदिवसीय क्रिकेटय् नेपाल १५ गुु थासय् दुसा टी —२० क्रिकेटय् ११ गु थासय् दु ।
एकदिवसीय क्रिकेटय् नेपाल स्वयम क्वय् यूएई १६ गु व पपुवा न्युगिनी १७ गु थासय् दु ।
एकदिवसीय क्रिकेटया शीर्ष थासय् विश्वविजेता इंग्ल्यान्ड दु । अथेहे, निगुगु थासय् भारत व स्वगुगु थासय् न्युजिल्यान्ड दु ।
टी—२० बरियताय् नेपाल स्वया निगु टेष्ट नेशन राष्ट्र दु । जिम्बाब्वे १४ गु व आयारल्यान्ड १५ गु थासय् दु ।
टी — २० क्रिकेटया शीर्ष थासय् पाकिस्तान दु । निगुगु थासय् इंग्ल्यान्ड, स्वगुगु थाय् दक्षिण अफ्रिका व प्यंगु थासय् भारत लाना च्वंगु दु ।