आईसिसी वरियताय् नेपाःया प्यम्ह कासामी
गुंलाथ्व तृतीया ११४१,साउन २७ बुधवाः
![](https://www.lahananews.com/sites/default/files/icc_0.jpg)
अन्तर्राष्ट्रिय क्रिकेट परिषद (आईसिसी)ें अपडेट याःगु टी–ट्वान्टीया न्हूगु वरीयताय् नेपाःया प्यम्ह कासामी दुथ्याःगु दु ।
न्हूगु वरीयता कथं नेपाःया ल्याम्हम कासामी कुशल भुर्तेलया वरियता यथावत लाःगु दु । ब्याटिङ वरियताय् कुशल ६०गू थासय् लानाच्वंगु दु । थ्वयान्ह्यः वय्क ६०गू थासय् लानाच्वंगु खः ।
नेपाःया पुलाँम्ह कप्तान पारस खड्काया वरीयता सुधार जूगु दु । पारस ९०गू थासय् थहाँवंगु दु । तर, पारसं अन्तराष्ट्रिय क्रिकेटपाखें सन्यास कायेधुंकूगु दु ।
अथेहे कप्तान ज्ञानेन्द्र मल्ल ९४गू थासय् थहाँवंग दु । बलिङ वरीयताय् नेपाःया सन्दीप लामिछाने ७७गू थासय् लाःगु दु । नेपाः टी–ट्वान्टी व छगूदिवसीय वरीयता धाःसा यथावत लाःगु दु ।
टी–ट्वान्टीपाखे न्हूगु वरीयताय् नेपाः १२गू थासय् लाःगु दु धाःसा छगू दिवसीय वरियताय् १६गू थासय्हे लानाच्वंगु दु ।
Categorized in कासा