आईपीएल टी ट्वान्टी क्रिकेटय् सनराइजर्स हैदरावादया निक्वःगु खुसी त्यात
ञलागा सप्तमी ११४१, असोज १२ मंगलबाः
![](https://www.lahananews.com/sites/default/files/ipl_5.jpg)
ईन्डियन प्रिमियर लिग (आईपीएल) टी–ट्वेन्टी क्रिकेटया न्ह्यानाच्वंगु संस्करणय् सनराईजर्स हैदराबादं निगूगु जित ल्हातय् लाकूगु दु ।
दुबइलय् वंगु बहनी जूगु कासाय् राजस्थान रोयल्सयात ७ विकेटं बुकाः हैदराबादं दुर्लभ जित पिकाःगु खः । राजस्थानं ब्यूगु सच्छि व ६५ रनया आज्जु लक्ष्य हैदराबादं कासाया ९ बल ल्यं दनिबलय् ३ विकेट तंकाः पूवंकल ।
हैदराबादयात त्याकेत डेब्यु कासामि जेसन रोयं ६० रन दयेकूबलय् कप्तान केन विलियाम्सनं अविजित ५१ रनया योगदान बिल । थ्वयां न्ह्यः न्हापां ब्याटिङ याःगु राजस्थानया कप्तान सन्जु सामसनं ८२ रन दयेकेधुंकाः टोलीं २० ओभरय् ५ विकेट तंकाः सच्छि व ६४ रन दयेकूगु खः ।
आइपिएलया न्ह्यानाच्वंगु संस्करणय् हैदराबादया थ्व निगूगु जित खः । १० कासाय् ४ ल्याः मुंकूगु हैदराबाद धलःया दक्कले ल्यूने दु । उलि हे कासां ८ ल्याः मुंकूगु राजस्थान खुगूगु थासय् दु ।
ल्याः धलखय् १६–१६ ल्याः मुंकूगु चेन्नाई सुपर किङ्स व दिल्ली क्यापिटल्स शिर्ष निगू थासय् दु ।
Categorized in कासा