अस्ट्रियाय् नक्कली खोपया पास इउँगु द्वपनय् स्वास्थ्य संस्थाय् छापा
थिंलागा चतुर्थी ११४२, पुस २२ विहीबाः
![](https://www.lahananews.com/sites/default/files/card%20fake.jpg)
अस्ट्रियाय् नक्कली खोप पास जूगु धका निगू दर्जन सिवें अप्वः स्वास्थ्य संस्थाय् छापा तःगु दु ।
अष्ट्रियाया गृहमन्त्री गेर्हार्ड कर्नरं खोप पास नक्कली दयेकुगु आशंकाय् प्रहरीं निगू दर्जन सिवें अप्वः स्वास्थ्य संस्थाय् छापा तःगु धयादीगु खः ।
खोप पासया किर्ते याःगु शंकाय् २२म्हसित अनुसन्धानया दायराय् तःगु गृहमन्त्री गेर्हार्डं जानकारी बियादीगु दु ।
छापा तयेगु झ्वलयल् खोप पास दयेकेत छ्यलिगु उपकरण तकं जफत जूगु प्रहरीं जानकारी बिउगु दु ।
घटनाय् ज्वंपिं २२म्ह मनूखं थःपिनि नितिं जक मजुसें पासापिं व म्हस्युपिं मनूतये नितिं नं भ्वँत किर्ते याःगु जुइफइगु धाःगु दु ।
Categorized in अन्तर्राष्ट्रिय