अष्ट्रेलियन ओपनया फाइनलय् नादाल व मेद्भेदेभ दथुइ धेँेधैबल्ला
पोहेलागा त्रयोदशी ११४२, माघ १६ आईतवाः
![](https://www.lahananews.com/sites/default/files/ndadal.jpg)
थुगुसीया अष्ट्रेलियन ओपनया मिसापाखेया उपाधि अष्ट्रेलियाया आस्लेघ बार्टीं त्याकूगु दु ।
अष्ट्रेलियाया मेलबर्नय् जूगु फाइनलय् अमेरिकाया ड्यानियला कोलिन्सयात बुकाः बार्टीं उपाधि त्याकूगु खः । कोलिन्सविरुद्धया कासा बार्टीं ६÷३ व ७÷६ या सेटय् त्याकल ।
कासा त्याकूगुलिसें बार्टी सन् १९७८ धुंकाः अष्ट्रेलियन ओपनया मिसा याकःपाखेया उपाधि त्याकूम्ह न्हापांम्ह अष्ट्रेलियन कासामि जूगु दु । १९७८य् अष्ट्रेलियाया क्रिश्टिने ओनिलं उपाधि त्याकूगु खः ।
थुखे मिजंपाखे उपाधिया लागिं थौं स्पेनया रफायल नदाल व रुसया ड्यानियल मेद्भेदेभ म्हितेत्यंगु दु । नदाल किर्तीमानी २१क्वःगु खुसी ग्रान्ड स्लामया उपाधि त्याकेगु अभियानय् दु ।
आः वय्कः दक्कले अप्वः २०क्वः उपाधि त्याकूपिं कासामितय् धलखय् स्विट्जरल्याण्डया रोजर फेडेरर व सर्वियाया नोभाक जोकोभिचलिसे ज्वलिंज्वलय् दु ।
फेडेररं थ्व धेंधें बल्लाः म्हितूगु मदुगु खःसा जोकोभिच भिसा रद्द प्रकरण धुंकाः मेलबर्नं लिछ्वयाब्यूगु खः ।
Categorized in कासा